AC Sleeper Class 2 & 4 Person's Cabin Luxurious Cabins Pakistan Railways

 

اے سی سلیپر کلاس — پاکستان ریلویز کی سب سے پُرتعیش سفری سہولت

اے سی سلیپر کلاس پاکستان ریلویز کی سب سے آرام دہ اور لگژری کلاس سمجھی جاتی ہے۔ یہ کلاس خاص طور پر اُن مسافروں کے لیے ہے جو لمبے سفر میں مکمل پرائیویسی، سکون اور سہولت کو ترجیح دیتے ہیں۔

اے سی سلیپر کلاس میں 2 اور 4 افراد کے لیے علیحدہ کیبن دستیاب ہوتے ہیں۔ ہر کیبن مکمل طور پر بند دروازے کے ساتھ ہوتا ہے، جس سے مسافروں کو مکمل پرائیویسی ملتی ہے۔ سب سے نمایاں سہولت یہ ہے کہ ہر کیبن کے اندر اٹیچ باتھ روم/ٹوائلٹ موجود ہوتا ہے، جو پاکستان ریلویز کی دیگر کلاسز میں عام طور پر دستیاب نہیں۔

کیبن کشادہ ہوتے ہیں اور سامان رکھنے کے لیے مناسب جگہ دی گئی ہوتی ہے۔ ہر کیبن میں چارجنگ ساکٹس، لائٹس اور پنکھے موجود ہوتے ہیں، جس سے سفر مزید آرام دہ بن جاتا ہے۔

Pak Rail Tech 

دستیاب ٹرینیں

اے سی سلیپر کلاس اس وقت درج ذیل ٹرینوں میں دستیاب ہے:

تیزگام

کراچی ایکسپریس

خیبر میل

سکھر ایکسپریس

کرایہ

کراچی تا راولپنڈی (ایک فرد): 15,500 روپے

کراچی تا لاہور (ایک فرد): 13,500 روپے

Pak Rail Tech

فیملی کے لیے بہترین انتخاب

2 افراد والے کیبن میں والدین اپنے دو بچوں کے ساتھ آسانی سے سفر کر سکتے ہیں۔

4 افراد والے کیبن میں 6 مسافر سفر کر سکتے ہیں، تاہم کیبن 4 افراد کے نام پر ہی بک ہوگا جبکہ اضافی 2 مسافروں کے لیے اے سی سلیپر کلاس کا الگ ٹکٹ چارج کیا جاتا ہے۔

3 سے 10 سال کے بچوں کے لیے ہاف ٹکٹ لیا جاتا ہے۔

اگر خاندان میں 2 والدین اور 10 سال سے کم عمر 2 بچے ہوں تو وہ 4 افراد کے کیبن کے لیے 2 فل ٹکٹ اور 2 ہاف ٹکٹ خرید کر آسانی سے بکنگ کر سکتے ہیں۔

بکنگ کا طریقہ

اے سی سلیپر کلاس کیبن کی بکنگ کے لیے ربطہ (Rabta) ایپلیکیشن کے ذریعے ایڈوانس بکنگ ضروری ہے۔

سہولیات سے متعلق اہم بات

اس قدر مہنگی اور لگژری کلاس ہونے کے باوجود پاکستان ریلویز کی جانب سے کوئی اضافی سہولت مثلاً کمپلیمنٹری کھانا یا بیڈنگ فراہم نہیں کی جاتی، جو کہ ایک بڑی کمی محسوس ہوتی ہے۔

Pak Rail Tech 

چینی اور پاکستانی کوچز

چینی کوچز معیار، آرام اور فِنشنگ کے لحاظ سے پاکستانی کوچز سے کہیں بہتر ہیں۔ کون سا کوچ ٹرین کے ساتھ لگایا جائے گا، یہ صورتحال اور دستیاب کوچز پر منحصر ہوتا ہے۔

پاکستان ریلویز کو چاہیے کہ:

اے سی سلیپر کلاس میں مزید بہتر سہولیات فراہم کرے

اس کلاس کو گرین لائن جیسی معیاری ٹرین میں بھی شامل کرے

کوٹہ سسٹم کم کر کے عام مسافروں کے لیے بکنگ کو آسان بنائے

اگر واقعی اے سی سلیپر کلاس کو پاکستان ریلویز کی سب سے بہترین کلاس بنانا ہے تو مسافروں کی توقعات کے مطابق سہولیات دینا ناگزیر ہے۔

Follow for more Information and Updates.

PAK RAIL TECH 

#acsleeper #pakrailtech #luxuriouslife #PakistanRailways #LuxuryClass #cabin #2personcabin #4personcabins