Train Staff and Their Duties
سفر کے دوران ٹرین اسٹاف – پاکستان ریلوے کی اصل طاقت
ٹرین کا سفر صرف انجن اور کوچز پر مشتمل نہیں ہوتا بلکہ یہ کئی ذمہ دار اور محنتی ملازمین کی مشترکہ کوشش کا نتیجہ ہوتا ہے۔ انجن سے لے کر آخری کوچ تک ہر ملازم کی ایک مخصوص ذمہ داری ہوتی ہے تاکہ سفر محفوظ، بروقت اور آرام دہ بنایا جا سکے۔ ذیل میں پاکستان ریلوے کے اُن اہم ملازمین کا ذکر کیا جا رہا ہے جو سفر کے دوران ٹرین پر تعینات ہوتے ہیں۔
لوکو اسٹاف (انجن عملہ)
ٹرین کے اگلے حصے میں ٹرین ڈرائیور اور اس کے ساتھ اسسٹنٹ ڈرائیور موجود ہوتا ہے۔
ان کی ذمہ داری ہے کہ ٹرین کو مقررہ سیکشنل اسپیڈ کے مطابق چلائیں، اسٹیشن سگنلز کی پابندی کریں اور انچارج گارڈ کے اشاروں پر مکمل عمل کریں تاکہ ٹرین محفوظ انداز میں اپنی منزل تک پہنچے۔
انچارج گارڈ (آخری کیبن)
ٹرین کے آخری کیبن میں انچارج گارڈ تعینات ہوتا ہے، جو پہلے بفر سے آخری بفر تک ٹرین کا مکمل انچارج ہوتا ہے۔
انچارج گارڈ کی ذمہ داریاں درج ذیل ہیں:
ڈرائیور کو گرین سگنل دینا، جب وہ تسلی کر لے کہ:
کوئی مسافر سوار یا اتر نہیں رہا
ٹرین کی چھت پر کوئی شخص موجود نہیں
تمام دروازے بند ہیں
ہر اسٹیشن پر آمد اور روانگی کا وقت نوٹ کرنا
سفر کے دوران ہونے والی ہر ڈیٹنشن (تاخیر) کو ریکارڈ کرنا
کسی بھی قسم کی غیر معمولی صورتحال یا خرابی کو نوٹ کرنا
لگیج اور پوسٹل سروس کو سنبھالنا
شکایات رجسٹر کی دیکھ بھال کرنا
مسافروں کو ابتدائی طبی امداد فراہم کرنے کے لیے فرسٹ ایڈ باکس استعمال کرنا
کنڈکٹر گارڈ
کنڈکٹر گارڈ ریزرویشن نظام کا نگران ہوتا ہے۔
اس کی ذمہ داریوں میں شامل ہے:
مسافروں کو نشستیں اور برتھ الاٹ کرنا
تمام بک شدہ نشستوں اور برتھس کا مکمل ریکارڈ رکھنا
ٹرین کے اندر مسافروں کی رہنمائی اور سہولت فراہم کرنا
اسپیشل ٹکٹ ایگزامینر (STE)
اسپیشل ٹکٹ ایگزامینر (STE) کی ذمہ داری ہے کہ:
مسافروں کے ٹکٹ چیک کرے
بغیر ٹکٹ سفر کرنے والے مسافروں کو جرمانے کے ساتھ ٹکٹ جاری کرے
ریلوے قوانین پر عملدرآمد یقینی بنائے
پاور پلانٹ آپریٹر
جن ٹرینوں میں آن بورڈ پاور پلانٹ ہوتا ہے، وہاں پاور پلانٹ آپریٹر موجود ہوتا ہے۔
وہ سفر کے دوران بجلی کے نظام کو درست حالت میں رکھنے کا ذمہ دار ہوتا ہے۔
اے سی اٹینڈنٹس
اے سی کوچز میں اے سی اٹینڈنٹس تعینات ہوتے ہیں جو:
ایئر کنڈیشننگ سسٹم کی نگرانی کرتے ہیں
مسافروں کے آرام اور سہولت کو یقینی بناتے ہیں
آر ٹی ایل اسٹاف
آر ٹی ایل (RTL) اسٹاف ٹرین کی بجلی اور الیکٹریکل سسٹم کو سنبھالتا ہے تاکہ لائٹس، پنکھے اور دیگر آلات درست طریقے سے کام کرتے رہیں۔
کیرج اسکارٹ
کیریج اسکارٹ کوچز کے مکینیکل نظام کی نگرانی کرتا ہے۔
سفر کے دوران اگر کسی کوچ میں خرابی پیدا ہو جائے تو وہ موقع پر ہی اس کی درستگی کرتا ہے تاکہ مسافروں کو پریشانی نہ ہو۔
پاکستان ریلوے کے ملازمین
مندرجہ بالا تمام عملہ پاکستان ریلوے کا مستقل ملازم ہوتا ہے اور ٹرین کے محفوظ اور منظم سفر میں بنیادی کردار ادا کرتا ہے۔
صفائی اور کیٹرنگ اسٹاف
کچھ ٹرینوں میں صفائی کا عملہ اور کیٹرنگ اسٹاف بھی موجود ہوتا ہے، تاہم یہ ٹھیکیدار کمپنیوں کے ملازمین ہوتے ہیں، پاکستان ریلوے کے نہیں۔
Pak Rail Tech
پاکستان ریلوے میں ٹرین کا ہر سفر درجنوں محنتی ملازمین کی ذمہ داری اور باہمی تعاون کا نتیجہ ہوتا ہے۔ یہی عملہ مسافروں کے لیے محفوظ، آرام دہ اور قابلِ اعتماد سفر کو ممکن بناتا ہے۔
#PakRailTech #TrainStaff #Duties #TrainInformation
Comments
Post a Comment